KRABATowy pućik

Mjez Budyšinom, Kamjencom a Wojerecami w tak mjenowanym Krabatowym kraju móža so kolesowarjo na slědy Krabata podać.

Pomjenowanje dósta tuta krajina přez stawizny a powěsće Krabata - "serbskeho Fausta" najznaćišeje figury dwurěčneje Łužicy.

Najwjetši dźěl swojeho žiwenja přebywaše Krabat we wjeskach wokoło Wojerec (Hoyerswerda). W Čornym młynje pola Čorneho Chołmca (Schwarzkollm) nawuknje pola Čorneho młynka kuzłarstwo. Na hermanku w Kulowje (Wittichenau) wón z bohatymi handlerjami swoje tryski ćěrješe. Nana sakskeho Krala Awgusta Sylneho škitaše před Turkami a zachowa jeho před zajědojćenjom. Jako nuknicar we Wulkich Ždźarach (Groß Särchen) sčini z pomocu swojich kuzłarskich mocow pódu płódnu, powodźi suche krajiny a daše žumpadła wusušić. Jako so po jeho smjerći běły kołp wyše jeho rowa pozběhny, šeptachu serbscy burja mjezsobu: "To je duch wulkeho Krabata! Wón nas njewopušći a so wo to postara, zo budźemy swobodny a zbožowny narod."

Dźensa móžemy po KRABATowym kolesowarskim puću žiwjenske stacije Krabata dožiwić a kulturu w tutej kónčinje. 80 km dołha čara přeprosy kolesowarja na wočerstwjenje w hornjołužiskej holanskej krajinje z kulturnymi a sportowymi poskitkami. Rjane haty z wjele rybami wabja k wudźenju a wobkedźbowanju přirody ze žadnymi ptačkami.

Na slědach Krabata móža kolesowarjo swoju čaru w sewjeru KRABAToweho kraja, w Čornym Chołmcu (Schwarzkollm) započinać.